Cabanas

Cabanas de Vendaval nace pensando en todos, en absolutamente todos. Principalmente, nas familias, cos seus pais e nenos, e incluso algún avó ou avoa podería coller!; ou nos grupos de amig@s que deciden facer esa escapada que levan tempo soñando. Pero, tamén, nas parellas, e nas persoas que teñen dificultades de mobilidade. Aquí hai sitio para todos! 

Por iso catro estancias están pensadas para acoller unha familia ou un grupo de amig@s, mentres que a quinta, para parellas e persoas con mobilidade reducida. En todas elas teñan cabida os animais domésticos.

Están decoradas con aires mariñeiros, en harmonía co municipio no que se atopan. Preguntácheste por que están pintadas de distintas cores? Antigamente, os mariñeiros, cando lles sobraba pintura de pintar os seus botes, aproveitaban para darlle un lavado de cara ás súas casas. Desta maneira, ás veces as portas lucían dunha cor, e as ventás, doutras. De feito, esta tendencia aínda se pode apreciar a día de hoxe en moitos pobos! O certo é que todas as Cabanas de Vendaval te farán sentir que xuntos, sodes fogar.

As catro cabanas máis grandes están divididas en catro zonas: habitación con cama dobre, habitación con dúas camas individuais, baño e cociña-salón-comedor. A restante ten habitación con cama dobre, baño e cociña-salón-comedor.